FILIPINO 315 (O,W)

Filipino Aural Comprehension

Matamang Pakikinig sa Filipino

                                   

NILALAMAN AT LAYUNIN NG KURSO

 

Click here for download.

Pangangailangan ng Kurso | Pagmamarka | Balangkas ng Kurso | Proyekto | Sanggunian

 

Ito ay isang kurso sa pangkalahatang pag-unawa sa napakinggan at nakatuon sa paglilinang ng kasanayan sa pakikinig sa Filipino.  Ilalantad ang mga estudyante sa:

 

• Pamilyar at mahuhulaang kaalaman mula sa mga napapakinggang teksto na may kaugnayan sa pang-araw-araw na buhay;
• Kaalaman mula sa mga napapakinggang tekstong may kaugnayang impormasyonal at dyornalistiko (gaya ng balita, ulat sa panahon, panayam, patalastas);  at
• Kaalaman mula sa mga tekstong  nauugnay sa panitikan, musika at mga materyal na nagbibigay-inspirasyon (dramang pantelebisyon, balagtasan, etc.)

 

Lalahok ang mga estudyante sa isang masusing prosesong nakatuon sa pag-unawa.  May mga gawain at mga takdang-araling makakatulong sa paglilinang ng kasanayan sa matamang pakikinig. 

 

Layunin nitong:

 

• Maunawaan ng mga mag-aaral ang nilalaman ng mga tekstong pampakikinig sa mga nauugnay sa pulitika, kultura, lipunan, eknomya, relihiyon at pang-araw-araw na buhay ng mga mamamayan sa Pilipinas at ng mga Filipino American sa dayaspora.
• Matukoy at mapahalagahan ang mga damdaming kaakibat ng mga natuklasang kaalaman at katunayan.
• Masuri ang panloob at panlabas na kahulugan ng mga ekspresyon, kilos at saloobing kaakibat ng mga tekstong napakinggan.
• Makagawa ng mga pasulat na pagsusuri/pananaliksik ukol sa mga kahulugan, ekspresyon, kilos, saloobin at nilalaman ng mga konsepto at kaalamang napakinggan.
• Makabuo ng mga orihinal na akdang mapapakinggan ng iba batay sa natutuhang kaalaman, pangkulturang saloobin at konseptong bunga ng sariling pagsusuri at pananaliksik.

 

PANGANGAILANGAN NG KURSO

 

1.  Pagdalo sa klase at masiglang pakikilahok sa gawain.

2.  Pagsulat ng 6 na maiikling papel (3 pahina ang bawat isa) na mamarkahan lamang sa

     pagkaraan ng rebisyon.  Isa sa mga papel na ito ay dapat malathala sa magasing

     Katipunan.

3.  Presentasyon ng isang proyektong (CD o Video) na kailangang magsalita ang

     mag-aaral sa Filipino.  (Maaaring tungkol sa isang paglalakbay; saliksik; libangan na

     ilalahad at sa Filipino at panonoorin ng mga mag-aaral.

 

 

PAGMAMARKA

 

Pagdalo sa klase at pakikilahok (pati sa Katipunan)........................         30%

Lahat ng Sulatin at Pagsusulit ........................................................       35%

Proyekto at Lahat ng Gawaing Pasalita...........................................        35%

KABUUAN.................................................................................100%

 

BALANGKAS  NG  KURSO (Course Outline)

 

 

 

 

 

 

PUNAHIN:  Maaaring mabago ang lahat ng paksa sa balangkas batay sa napagkasunduan at pangangailangan ng klase.  Bibigyan ng guro ng kaukulang patalastas ang anumang pagbabago sa klase.

 

           

PROYEKTO

 

Para sa pangangailangang pangkomunikasyon, isang proyekto (paggawa ng isang video, DVD o CD) ang ihahanda ng bawat isang mag-aaral. 

 

Maaaring paksain ng proyekto ang mga isyung panlipunan dito at sa Hawaii; mga isyu ukol sa identidad; mga bagay na kaugnay ng sining (gaya ng musika, arkitektura, pintura, atbp.); paglalarawan ng isang tanawin o mahalagang pook; pagbibigay ng impormasyon, o kaalaman.

 

Ang haba ng bidyo o CD ay hindi dapat kulangin sa 15 minuto.  Kailangang sumulat ng iskrip ang estudyante na may mga pagsasalaysay na siya ang magsasalita.  Kailangang aprubahan ng guro ang kanyang iskrip para makita ang pasalaysay na bahagi nito bago irekord.  Kailangan ding magpraktis ng pagbigkas at pagsasalita upang maging malinaw at madaling maunawaan.

 

Ipiprisinta ang bawat bidyo sa huling dalawang miting ng klase.

 

 

SANGGUNIAN:

           

Mabanglo and Hiple: Authentic Tagalog Video, University of Hawaii at Manoa, 1997.

 

Ramos, Teresita: Pakinggan at Unawain ( Listen and Understand).  NSA/University of Hawaii, 1991.

 

Ramos, Teresita: Pag-unawa sa Kulturang Pilipino (Comprehending Filipino Culture), 18 Documentary Videotape Series, NSA/University of Hawaii, 1991.

 

Cultural Center of the Philippines Documentary Videos (1991) on Panitikan, Arkitektura, Sayaw, Sining Biswal, Pelikula at Musika.

 

Iba pang materyal:  “Minsan Lang Sila Bata”; “Mga Maids sa Hongkong”, “Panayam ni Tereso Tullao”